Urteko momenturik onenak 681x5n

Errege koparen finaleko goleatzailearekin, Mikel Oyarzabalekin (Eibar, 1997) gogoratu dugu 34 urteren ondoren Realak irabazitako titulua. 2021eko apirilaren 3an Sevillako La Cartuja estadioan jokatu zen final hori Athletic aurrez aurre zuela. Errege kopako finalaz, finala atzeratzeko hartutako erabakiaz, bezperako egunez, partidaz, ospakizunez … Oro har, bizitako momentu historiko horren inguruan izandako sentipen eta bizitakoez aritu da Maitane Urbieta jokalari eibartarrarekin EITB podkasterako.

Iraia Iturregi (Bilbo, 1994) Atlhetic-eko entrenatzailea da egun, aurrez futbolari batek bete ditzaken beste postuak bete izan ditu,  kapitain eta jokalari. Atletic-eko emakumezkoen taldeak maila gorena izan duenean gainera. Urtea darama egungo taldearen arduradun eta hain zuzen ere goreneko mailara bidean taldea jartzeko helburuarekin lan egiten du. Logroñoko partida da 2021ak utzi dion unerik gozoena, hantxe eman ahal izan ziolako arnasa taldeari mailari helduko ziotela bermatu ahal izan zutenean.  Iturregiren iritzirako, eskarmentu handiko jokalariak eta belaunaldi berriak  izateak ematen dio oreka futbol talde bati egoera zailetatik atera ahal izateko. Egoera hori ez da beti lortzen, ordea. Bilbotarrak, Athletic-en irudiari heltzeko ahaleginean jarrituko du taldearekin batera, errespetua merezi duen taldea gidatzen bait du.  Emakumezkoen futbolak dituen oztopoak kontutan izanda, "ez da ideala, baina batzuetan teilatutik hasi behar da eraikitzen" aitortzen du. Futbol agintariek gizarteak dagoeneko  emakumeen futbolari aitortzen diona lehen bai lehen onartzea espero du.   Lezamako haztegitik hitz egin du Iraia Iturregik  EITB podkasterako  Haritz Gallastegirekin

Hirugarren domina olinpikoa lortu du aurten Maialen Chourrautek (Donostia,1983) Tokyoko Joko Olinpikoetan. Ziklo olinpiko zaila izan dela aitortu digu podcastean, gorabehera askokoa, zaila fisikoki zein emozionalki. Saria izan du ordea sufrimenduak, beste domina olinpiko bat poltsikora, falta zitzaion zilarra. Etorkizunean dauzkan erronkei buruz ere hitz egin du Lasarte-Oriako piraguistak Jon Altunarekin EITB Podkasterako, Paris 2024 dauka buruan Maialenek.

 Naiara Diezezek (Altsasu, 1987) hamabost urteren ostean, Lointek Gernikako kapitainak, ibilbide profesionala amaitzea erabaki zuen 2021eko Martxoan. Denboraldia amaitu gabe zegoen momentu horretan, eta Lointek Gernika Europako txapelketan sartuta. Hala ere, 34 urteko altsasuarrak argi ikusi zuen hura zela momentu egokia. Ondo mamitutako  erabakia izan zela aitortu digu, eta  pozik dagoela hartu izanarekin. Izan ere, berak erabaki du noiz utzi saskibaloia, eta hori ez da erraza izaten kirolari profesionalen kasuan. Naiara Olazolak hitzegin di saskibaloi jokalari ohiarekin EITB podkasterako.

Alba Menendez (Zarautz, 1991) Super Amara Bera Bera taldeko kapitainak ez du erraz ahaztuko 2020-2021 denboraldia. Esku baloi Ligako txapeldun izan dira, areago, ligako partidarik galdu gabe lortu dute emaitza hori eta lorpena  "zaila bezain polita da" taldekideentzat.  Super Amara Bera Berak garaipenen uzta handitu du 2021an zehar. Izan ere, Donostiarrak 2020-2021 denboraldiko Liga txapeldunak izan dira bigarren urtez jarraian. Momentu gozoa ari da bizitzen taldea; azken bederatzi urtetan zazpi Liga txapelketa irabazi dituzte.  Denboraldi berria ere indartsu hasi dute, sailkapeneko líder dira eta partidarik galdu gabe jarraitzen dute Imanol Alvarezen neskek eta emaitza onek indar ematen die emaitzak lortzen jarraitzeko.  Naiara Olaizolak bideratu du Alba Menendezen urteko laburpena. 

Iñigo Llopisek (Donostia, 1998) zilarra eskuratu du 2020eko Joko Paralinpikoetan. Egun hura gogoratu dugu, sentitu zuen poza. Tokioko Joko Paralinpikoak Covid-19ak baldintzatu zituen erabat, eta han bizitzakoaren berri eman dio EITB Podkasten Jon Altunari. Dagoeneko Paris 2024 begiz jota dauka igerilari donostiarrak.  

Karmele Gisasola (Mallabia 1994) Zelai III.ak  urte oparoa izan du herri kiroletan 2021.a. Garaipen sorta ikaragarria egin du. Batzuk nabarmentzekotan Pentatloia eta Sherpa-ko finala aipatuko ditugu. Kirolari ase ezina da herri kirolaria eta erreferente da oinordeko izango dituen belaunaldietako kirolarientzat. Berak izan ez dituen erreferente horietakoa. Umila da Mallabiarra baina, aitaren bidetik, ez da kokiltzen harria edo ingudea jaso, txingak eraman edo eta trontzan edo aizkoran aritzeko.  Gisasolak, pozik hartu ditu emakumezkoek herri kirolean aritzeko eman duten pausua, bai kopuruz bai eta kalitatearen aldetik ere.  Lesiorik tartean ez bada behintzat, bide beretik jarraitu nahi luke hurrengo urtean EITB podkasterako Xabier Muruari esan dionez  

Damaris Egurrola (Orlando AEB, 1999) futbolari bizkaitarrarekin Lyongo Olimpiken urtea osatu du dagoeneko.  Talde frantziarrak 2021eko urtarrilaren 20an egin zuen ofizial Damaris Egurrolaren fitxaketa 2024 arte. Lyongo Olimpikek 100.000 euroko etete klausula ordaindu zuen Damarisek, Everton utzi, eta Lyonen joka zenan. Aukera iritsi zitzaionean jokalari bizkaitarrak ez zuen zalantzarik egin, maleta prestatu , Ingalaterra utzi eta Frantziarako bidea hartu zuen. Lehen denboraldian ez du titulurik irabazi baina hamaikakoan tokia egin du. Maitane Urbietarekin egin du errepasoa EITB podkasterako.

Urte berezia izan da Odei Jainaga (Eibar, 1997) xabalina jaurtitzailearentzat, momentu onak eta txarrak izan ditu bere kirol urteak. Ozta-Ozta, azken unean, lortu zuen Joko Olinpikoetarako txartela, baina sorbaldako lesioak galarazi zion bere mailarik onena ematea. Dena den, lortutakoaz harro hitz egin du EITB Podkasten , JOn Altunarekin izan duen solasaldian. 

Andoni Iruretagoienak (Aia,1993) Pentatloian nabarmendu du aurten bere burua. 2021ean buruz buruko finala irabazi du Azpeitian eta bi bitakoa ere eskuratu du. Ez da harri jasotzailea, ezta aizkolaria ere, baina ondo moldatzen da esparru bietan. Kirolari erregularra da, bete betekoa, "diesela naiz eta ez gasolina" esan digu aiarrak patxada osoz. Ez du bere burua behar baina gehiago estutzen eta horrek emaitza hobeak ematen dizkio, hala aitortu dio Xabier Muruari Urteko momenturik onenak Poscastean. 

Kirol arloan urtean zehar izan diren momentu gogoangarriak  biltzeko podcasta da herri kirolen bidez EITB podkasten abiatzen dugun sail hau.  2021ren laburpena egiten hasteko, Ekainaren 26ra egin behar da atzera. Leitzako Martin Borda baserriko zelaietan jokatu zen urteko apostu nagusia. Julen Gabirondo (Urnieta, 1989) eta Xabier Zaldua (Zumarraga, 1977) , nor baino nor, aizkora eta sega uztartuz.  Julen Gabirondok lortu zuen garaipena, bi orduko lanaren ostean eta  669,5 kiloko aldeaz. 20 kanaerdiko moztea izan zuten lehen egin beharra. Zalduak aurretik amaitu zuen, baina tarte oso txikiaz;  12 segundo baino ez. Julen Gabirondo, segalaria da berez, eta nagusitasuna erakutsi zuen bere lanean. Bi ordu osatu arteko lana egin zuten, urnietarrak 3.635,5 kilo belaz moztu zituen, Zumarragakoak, aldiz, 2.966. Pandemia tarteko, antolakuntza lanak zaildu egin ziren eta ia azken unean zelaia ere aldatu behar izan zuten. Hala ere, herri kirol zaleak bikain erantzun zuen, antolakuntzaren arabera 1.000 lagunetik gora bildu ziren apustuan. Bi protagonistak  elkartu ditu Kepa Iribarrek EITB podkasterako.