Bidegurutzean 572u1a

Zaloa Urainek ez du maite helburuak beti berberak izatea. Musikak "era bat" zoratzen du. Kantuak eta musika ditu pasio bizitzan eta antza ematen zaio! Kantu batek duen indarra "magikoa" dela iruditzen zaio eta abeslari eta  entzulearen arteko interakzioan sinisten du.  Itzalak sortzen badira, eskarmentuak erakutsi dio argia nola ez estali eta barrutik indarra nola atera.  Entzun ETB-1eko Bide gurutzean saiotik eratorritako podcasta.

Argia da Ursula  Strong eta  esaldi batean adierazi digu , Niña Coyote eta Chico Tornado ''Bagaude, bagoaz eta bagatoz'', indartsu daude eta uneari lotuta daude.  Dantzatzea eta farre egitea dira  Niña Coyoteren iritzirako bizitzak ematen dizkigun tresnak bizitzari hobeto aurre egiteko eta aukera horiek baliatzen saiatzen dira Koldo Soret eta biak, lokalean sartu eta  aurrera egiteko eta musikaren bitartez duten sormena azaleratzeko.  Bidegurutzean , ETB-1eko saiotik eratorritako podcasta eskura hementxe.

Cobra, Bilboko Metal rock taldea Bidegurutzean jarri dugu podcast honetan.  Haritz Lete, David Gonzalez, Josu Luengo, eta Ekain Elorza aspaldian dabiltza eszena tokian eta badute eskarmentua. Hala ere, entzuleen aurrera azaltzen diren bakoitzean , "bi izan edo bostehun" barrutik ateratzen diren sentimenduak azaleratzen saiatzen dira eta duten onena ematen. Abesti bati ahotsak ematen diola izaera dakite, "onerako eta txarrerako", beraz jendaurrean, diren bezalakoak azaltzeko jartzen dute indarra.  ETB-1eko Bidegurutzean saiotik eratorritako podkasta duzu entzungai hementxe.

Barruko ahotsari entzun, eta ezerezari abesten dio talde Bizkaitarrak, hegodun baleekin batera, gizartearen abiaduratik bizirik atera nahi dutelako. Ideia bat asko garatu behar da kantu bat sortzeko eta horrek ez du bermatzen gero oholtzan beteko zaituenik, Josu Ximun Billalebeitiak pokastean dionez. Entzun Bidegurutzean saiotik eratorritako podcasta.

Aukerak infinituak dira Sara Zozayaren iritzirako, horregatik izaten da horren zaila bizitzan aukerak egitea. Zozayari, iraganak nostalgia eragiten dio eta etorkizunak berriz, beldurra, eta arrazoi horregatik nahiago du orainean kokatzea, "zerbait esaten ari dena orainean dago beti" esaten du. Buruan dabilen doinuak bat batean ikusten du argia, baina donu eta erritmo zehatz hori kantu bilakatzeko beste askoren laguntza behar du. Lehen amaitu gabe geratzen zitzaizkion kantuak, orain ikasi du melodia solte horiek kantu bilakatzen.   Entzun podcastean, Bidegurutzean.

Ibai Irizarrek  Zintzarri eta tronpetaz iragartzen du  gorputz bizien etorrera. Iban Irizarrek aitortzen du  adizioa sortzen duen droga dela musika, "uztea kontatzen den droga" behin frogatuz gero , adizio horri helduta jarraitzen du beraz Eibarko musikariak. Errazago jasotzen du kantuetan besteren bizitza, berea baino, "interesgarriagoa" jotzen duelako musika kontsumitzailearentzat. Bidegurutzean podckastean aitortu du nahiko lukeela deabruarekin topo egin, elkar noiz ikusiko duten jakiteko. 

Unai Muguruza eta Lorea Argaratek besterentzat musika jartzea dute gogoko, DJ-k dira, naiz Loreari gehiago gustatzen zaion "musika jartzaileak"  direla esatea "Dantzaleku bat da infernua" eurentzat" , bekatu giro alai eta eroz betea, "gorputzak mugimendu etengabean, izerdia, sugarra…" ETB-1eko Bidegurutzean saiotik eratorritako podcasta duzu hementxe. Entzun!

Gorputza eta burua, elkarrengandik berezi bezala egiten zaizkio Juantxo Arakamari, Rapeatzen ari denean. Errezatzen jakin ez eta errimatzen hasi zirenentzat, "errima ere errezoa da" Arakamaren ustez , Jainko guztiak eror daitezen eskatzen duen errezoa. Helburu gabeko biderik ez du hartu, ez pertsonalki ez eta musikari dagokionean. Beti saihesten du gainera bide laburrenetik  igarotzea, ETB-1eko Bidegurutzean saioan. Hementxe, handik eratorritako podcasta.

Afrika Bibang-ek nomada bihotzaz paradisu berriak eraikitzen ditu kantu bakoitzean, nahi dugun hori izateko helburuz. Harro dago bere izenaz eta izanaz ; gero eta harroago. Bidean ezer okertzen bazaio, "berriz hasi eta listo!" hori erakutsi dio bizitzak, ikaskizuna dela bidea eta berezko saiaketa horri musika eta gitarra eransten dizkio berak. Hori bai, soul-aren arima du etengabeko lagun.  ETBko Bidegurutzean saitik eratorritako podcasta duzu hau.

Maite Larburuk pijamaren adibidea jarri du ETB-1 eko Bidegurutzean saioan, Herri kulturari buruz galdetu diotenean. "Herri kultura, asko maite duzun pijama goxoa da, etxean eta ondo senti arazten zaituena". Bidea bizitza bera dela uste du, helburua finkatzen laguntzen dizuna. Izan ere dauden bidetatik egokia hartu duzun jakiteko gutxienez la bizitza beharko genituzkeela pentsatzen du Hernaniarrak ,"baino ez gara katuak!" dio. Kantua barrurako bidaia gisara sentitzen du. Taulan dagoenean, isiltasuna "nahiko ozen" entzuten du eta sarri,  bere buruarekin "boxeoan" aritzen dela sentitzen du.

Emozioak azaleratzeko musikak duen gaitasunean sinesten du Mikel Urdangarinek eta horrela azaltzen du musikari eta entzuleen artean sarri sortzen den energia handiaren fenomenoa. Taula gainetik behera eta behetik gora antzematen da energia hori , "naiz batzuetan mozkorgarria"izan litekeela  badakien. Kantuak, askatasunarekin lotzen ditu eta askatasun hori zabaltzen saiatzen da.  Bide gurutzean jarrita,  bi izan ohi dira aukerak Urdangarinentzat. "Aukeratu duzun bide horretan sinisteak"ekarriko dituela emaitzak erakutsi dio bizitzak.

McOnak talde Bizkaitarreko kideak itsasotik hurbil bizi dira eta seinale dute hitzetan. Bidegurutzera,"itsasoz" iritsi direla esan digu  Joseba Iturraspek.  2011n sortu zen proiektu hau Joseba, Kemen, Pello, Ander eta Kimetzekin eta harrez gero ari dira bidea egiten. Erantzunak, "aireak" ekartzen dizkie askotan eta ziurrenera Kresala usainarekin. "Mezua" entzuleari iristea jartzen dute lehentasun eta ez dute gustuko itzul-inguruka ibiltzea. Hartzen dituzten aukerak "onak edo okerrak" izango diren geroak esango duela garbi dakite, baina  "korrontearen kontra"  iaioak dira Pirata onak bezala.

Francis Díez da Doctor Deseo-ren arima eta ahotsa. Desioak indar handia izan du bere bizitzan, eta bere iritzirako denon bizitzan behar du tartea desioak, aurrera egiteko indar handia ematen duelako. "Badu zerbait desioak, erlijio askok debekatzen dutenean" esaten du irribarrez. Intuizioak lagundu izan dio bizitzan eta harro dago intuizioak egiten lagundu dion bidearekin. Nola nahi, Infernua "lehen eskutik" ezagutu duela dio, eta leku desatsegina egin zitzaiola. Ez dio inori gomendatzen . Entzun ETB-1eko Bidegurutzean saiotik eratorritako podcasta.

Iratxe Aguileraren iritzirako, bizitzan, "dena da  eraikuntza prozesua" musika eta kantuak, espresio bide bat dira nahi eta sentitzen dena adierazteko modu bat. Kai Nakaik instintuari uzten dio lekua bere erabakietan. Ahalduntzen ari dela sentitzen du, adierazi nahi duena adierazteko libreago sentitzen da, ondorioz. Kanpotik datozen erasoei, kasu gutxiago uzten die Gasteiztarrak. Sare sozialetan topatu izan ditu berak deabruak, "hater-ak" esaten die. Ez du ulertzen norberaren lana "ezagutu gabe" nola eman ditzaketen horren mezu mingarriak.  ETB-1eko Bidegurutzean  Kai Nakaik esandakoak biltzen ditu Podcastak.  

Aiora Renteriak,  "bideari eta helmugari" biei ematen die garrantzia. Helmugarik gabeko bidea motz geratzen delako eta bidean zehar zoazela lortzen duzun eskarmentuak asko laguntzen dizulako, Ulisesen adibidea jarri digu Podkastean. "Emozionatzen" duten kantuetan sinesten du Zea Maysek, horiek jotzen ditu abesti borobilak eta horretan saiatzen da eszenatokian  dagoenean, abestiak entzuleekin sortzen den feed-backarekin borobiltzen. ETB-1 eko Bidegurutzean saiotik eratorritako podcastean entzun dezakezu.

Zestoako talde kideak bide gurutzean jarri ditugu, bidea egitearen garrantzia azpimarratu digute. Eskarmentuak erakutsi die , aldian behin atzera begiratu behar dela aurrera egiteko, baina egunean egunekoak eramaten ditu bidean aurrera. Hori bai, "gehiago pentsatzen dut zorian, patuan baino" aitortu digu taldeko abeslariak. Musikarekin "disfrutatu egiten dute  eta horretan ahalegintzen jarraituko dute. ETB-1eko Bidegurutzean saiotik eratorritako podcasta eskaintzen dizugu, Ezpalak taldearen musikarekin batera. 

Zestoan errotutako Grises Indie musika taldearen ahotsa da Amancay Gaztañaga. Orainean kokatzen den pertsona da, bai bai daki gauzak etorkizunerako uzten badira   ez gertatzeko zoria dutela. Aurrera eginez burutu du bidea, agian horregatik egin ditu horrenbeste gauza orain arte. Helmugara iristea, berez, ez da garrantzitsua beretzat. "Aldaketa, beti da iraultza" azpimarratu du ETB-1-eko Bidegurutzean saioan. Eszenategia "ahalduntzeko lekua" da beretzat. Podcastean jaso ditugu ETB-1eko Bidegurutzean saioan esanak 

Alex Sardui, Gatibu-ren abeslari ezagunak kalean ikasi du bidea egiten, aukerak bilatu eta topatzen. Izan ere aukerak bilatu egin behar dira dauden lekuan antzeman aukera ona direla. Sarduik, nahiago du bideari "ondo heltzea" gogoz aurrera egiteko. Deabrua norberaren baitan dagoela pentsatzen dute Gatibuko kideek  eta "Covid-arekin bezala" deabruari aurrez-aurre begiratu eta berarekin bizitzen ikasten  jakin behar dela uste dute arima galtzeko arriskua dagoelako bestela. Entzun podcastean  haien esanak.  

Oki Mokiko taldekideak, "pretentsio handirik gabeko sormen zintzoa" lantzen dute, mundu guztiak bezala, batzuetan infernuan eta bestetan zeruan ikusten dute beren burua. Izan ere, "musika emozionalki" bizi dute eta barruko hustuketa horrek balio die berriz ere betetzeko eta sormenari bide egiteko. "Bizi dugun momentuaz hitz egiten dugu" esan digute Getariarrek  Bidegurutzean posdcastean. Entzun, poppunkean kokatutako taldeak  esanak.

Mice, Bidegurutzean jarri dute  ETB-1en . Miren Narbaizak ez daki garbi non hasten den Mice eta non Miren, baian iruditzen zaio biak daudela elkarri oso lotuta eta elkarren osagarri. Musikak eman dio lekua mundu honetan eta kantuak "barruko" leherketatik sortzen zaizkio gehienetan. Bizitzak erakutsi dio, utzi egin behar zaiela gauzei pasatzen, eta eskarmentu horrek egiten diola bakoitzari bere puzzlea osatzen.