Galiza Hoje 1k2i5j

O dia 22 de Outubro do 2013 às 8,00 do serám convidado pola nossa Agrupaçom cultural O Facho, o Doutor e Professor, Xavier Vence Deza actual porta-voz do BNG, intervéu dentro do Ciclo, Economia, História e Realidade Social. A sua charla versou sobre: A República Galega. O professor Vence reflexionou junto a umha interessada cidadania sobre o direito dos galegos ser donos de nós mesmos, e a configuraçom possível do mesmo numha organizaçom político-territorial na que a Soberania dos galegos sejam o contido e alicerce da República Galega. O palestrista desenvolveu com um grande contido de ideias e conceitos a necessidade irrenunciável do povo galego de contar umha estrutura política de seu, para poder deixar de ser um mero apêndice de decisons alheias e contra ao desenvolvimento do País.. Ao findar a sua exposiçom mantivo umha interessante conversa com os assistentes.

Artur Alonso fixo un percorrido pola historia económica mundial, para analizar as características propias de Galiza no contexto global. Galiza debe aproveitar as suas características máis singulares e sairá con éxito da crise: "O galego é unha lingua internacional, que nos conecta con Portugal, Brasil, Angola, Mozambique.. Formamos parte do mundo celta. Se o centro do mundo económico é o Atlántico Norte, aí é onde estamos nos. Non somos periferia senón centro. Crear “marca propia” baseada na posta en valor das diferencias. Aproveitar a tecnoloxía, a formación dos nosos técnicos, a paisaxe, a gastronomía.." Como sempre ao findar a sua exposición o conferenciante mantivo un colóquio co público asistente.

O ado dia 19/11/2013 Professor da Escola de Idiomas d'O Ferrol, Maurício Castro Lopes, membro da Direcçom Nacional de NÓS-Unidade Popular, falou dentro do Ciclo, Economia, História e Realidade Social organizado pola Agrupaçom Cultural O Facho, sobre: A República Galega. Castro Lopes espujo de jeito mui didáctico o direito dos galegos ser donos de nós mesmos, do nosso direito unilateral a nos independizar, tal como vem recolhido pola ONU o direito de todo povo a se constituir em Estado, e como assim mesmo é reconhecido polas leis internacionais. Como é possível a configuraçom da República Galega sempre que Nós, os galegos, decidamos que assim fosse. O palestrista desenvolveu com um gram desenvolvimento tanto de ideias como de feitos históricos o irrenunciável direito dos galegos e galegas de contar umha estrutura política de seu, para poder defender os nossos interesses como povo e das maiorias dos cidadaos que conformam a Naçom galega, as classes trabalhadoras. Ao findar a sua exposiçom houvo umha interessante conversa levada a cabo polos assistentes.

O professor e economista Xavier Peres da Vila intervéu dentro do ciclo, Economia, História, e Realidade Social, organizado pola Associaçom Culturar O Facho. A sua exposiçom intitulada: “Privatizaçons das pensons. A grande expropiaçom.” foi seguida com grande interesse pola cidadania assistente. Peres da Vila ilustrou a sua ricaz palestra com significativos gráficos elaborados com dados obtidos de trabalhos realizados por gabinetes de estudo financiados polos especuladores financeiros - lease banqueiros, fundos privados de pensons, e demais sequazes- sobre o sistema de pensons espanhol. Mostrando claramente a falsidade das conclusons, assim como a falácia das suas previsons. Assim mesmos pujo em evidência a cacofonia permanente dos médios de comunicaçom para adoutrinar à cidadania da inviabilidade do actual sistema de pensons quando é umha falsidade ditada polos donos últimos do actual regime económico-político dominante - lease Wall Street, e as suas instituiçons de saqueio- Como sempre ao findar a descriçom o conferenciante mantivo um mui interessante colóquio com o público assistente.

Conferência de apresentação e posterior conversa do livro do pensador libertario Carlos Taibo "Repensar a Anarquia" o 22 de Janeiro de 2014. O acto estivo organizado pola CNT (Confederacion Nacional del Trabajo) de Betanços. http://www.catarata.org/libro/mostrar/id/871

O ado dia 22 de decembro de 2011 o professor da universidade complutense de Madrid Carlos Taibo falou do movimento 15M dentro do ciclo de charlas "Retomar o público, defender o comum" que se está a levar a cabo na Corunha, organizado pola rede Robin Hood.

Palestra do progesor Carlos Taibo o dia 9 de Decembro de 2010 na Escola Popular Galega em Vigo. O profesor Taibo falanos da evidencia de que o sistema capitalista demostrou ser uma eficaz maneira de aumentar pobreza, a inestabilidade sovial e destruçom do medio ambiente.

Na questão das identidades entrecruzam-se debates muito diferentes que remetem a disciplinas também distintas; procuraremos ilustrar essa realidade da mão de várias situações. Num segundo estádio, analisaremos sucintamente a discussão sobre identidades e língua na Galiza de hoje, antes com o objetivo de alimentar um debate que com a vontade de fechar uma questão muito complexa. Via Versão Original --> http://www.udc.es/dep/lx/cac/vo/20100922L/index.htm

Palestra do professor Elias J. Torres Feijó do dia 16 de Abril de 2008, no quadro das I Jornadas de Língua em Ourense. O vice-reitor da Universidade de Compostela, bem como vice-presidente da Associação Internacional de Lusitanistas, debruçará sobre algumas dessas propostas, imposições, etc. que acabam mesmo por ser interpretadas como inerentes ("essenciais") à (não 'da') comunidade por parte de algumas elites ou grupos. Segundo Torres Feijó, isto pode empecer as tomadas de decisão para a continuidade da comunidade e a sua coesão e pôr em risco o próprio objectivo que se persegue, ao perder de vista o carácter instrumental desses elementos, fixar uma hierarquia que não se corresponde com os valores e desejos da comunidade ou apresentá-la de modo insatisfatório para um conjunto importante da mesma. «Galiza está numa tessitura destas características. A Galiza actual está numa tessitura importante e está decidindo».

Jurjo Torres Santomé, Catedrático de Didáctica e Organizaçom Escolar na Universidade da Corunha e intelectual de reconhecido prestigio dentro da comunidade cientifica internacional dentro dos eidos da educaçom interveu dentro do ciclo, Língua, Literatura e Naçom organizado pola Agrupaçom Cultural O Facho. A sua atraente palestra versou sobre: A Educaçom em Tempos de Neoliberalismo O professor Torres, principiou a sua palestra afirmando que nunca como hoje a Escola estivo tam fornecida à vez que tampouco nunca estivo submetida a tanta desconfiança. Nunca como hoje houvo tanto e tam bons docentes e especialistas na Escola. Por vez primeira é umha Escola de massas, o ensino é obrigatório desde o 3 anos até os 16 anos. Mas nom som os alunos o peares deste descontente, ao contrário, o alunato valora bem a Escola, porque é o lugar de socializaçom para eles, é o espaço onde construem as suas amizades. A Escola deixou de ser um lugar sagrado, tem que compartir com outras redes que falam o mesmo que ela fala, a rede, o cinema, o museu, etc. Se a Escola só fosse um lugar para transmitir informaçom poderia ser substituída, porém nom o é, porque na Escola analisa-se, avalia-se, questiona-se, a informaçom; pôr-se em ordem os dados numha mudança constante. Na Escola tenta-se produzir conhecimento e nom ideologia a pesar da dominaçom de classe por parte do Capital. Hoje vivemos na sociedade do capitalismo da informaçom ou do capitalismo cognitivo. A rapidez da informaçom é determinante, possuir informaçom é poder. A revoluçom cientifico-tecnológica abeira aos maiores, ficam fora, receiam das novas máquinas; a mais grande fenda é a existente entre novos e velhos. E todo isto vencelhado a contra-revoluçom económica, onde a Economia é governada por tecnocratas, construindo umha política que nega o comum, o público. O neoliberalismo ao negar o publico nega de facto à cidadania ao colonizar o mundo social.

Dentro do ciclo de conferências organizado polo Facho intitulado “Economia, História, e Realidade Social“ , o dia 2 de Abril, quinta-feira (jóves), o professor e investigador, Carlos Taibo, dissertou sobre: O Estado e o nacionalismo espanhol. Carlos Taibo, encetou dizendo que fazia três anos um grupo de quinze professores coordenados por ele tentárom publicar um livro sobre o nacionalismo espanhol foi enviado a meia dúzia de editoriais de sona, rejeitarom-no por descomedido, até que finalmente foi publicado por umha pequena editora. Assim como mencionou que os convites para falar do nacionalismo espanhol contam-se com os dedos dumha mao. A palestra desenvolveu-se a partires de três ideias. A primeira é o interesse em muitíssimas pessoas em negar a existência do nacionalismo espanhol, como se este desaparecesse com a morte do tirano. Porém o discurso nacionalista espanhol é omnipresente tendo os seus piares: na sacralizaçom da monarquia, na presença abusiva da Eireja católico romana, nos médios de comunicaçom, no exercito, nas instituiçons políticas. http://agal-gz.org/blogues/index.php/ofacho/2009/04/04/carlos-taibo-o-estado-e-o-nacionalismo-e

Análise histórica do início e expansão do Domínio Americano. Império único na história capaz de conceber a ideia de domínio total: económico, financeiro, comercial, científico-técnico e político. Análise muito breve das tendências a seguir e da inclusão da Galiza no novo cenário.

Palestra de Camilo Nogueira Román nas II Jornadas de História de Galiza no centro social A Esmorga. Depois duma história como reino medieval independente, como reino submetido e marginalizado na Idade Moderna e após os esforços contemporâneos do movimento nacional galego por estruturar a vontade política pola autodeterminação, Galiza tem perante si o desafio de se constituir como uma nação no mundo, na consciência do seu carácter histórico, da dimensão nacional e universal da língua galega e da sua capacidade social e económica. Tudo em convivência com os povos peninsulares e europeus, mas arredada da ideia do Estado espanhol como nação única e necessária. http://historiaourense.org/index.php?option=com_content&view=article&id=69&Itemid=84